ماذا يعنى للك صديق الانترنت؟؟؟؟؟

السلام عليكم
سوف اجيبك على كل سؤال
اولا:صداقة المنتدى تعنى لى على حسب اللى بيكلمنى لو مهتم انه يعمل صداقه اوك هاعمل معاه صداقه ونتناقل الثقافات ويبقى اخويا انما لو مش مهتم خلاص انا مش هاجبره يعمل معايا صداقه بالعافيه


ثانيا:اه فعلا عندى اصدقاء بالنت وصلت معهم بالصداقه الى درجة الاخويه المطلقه واصدقاء واخوات بكل ما تحمل كلمة الاخوات من معنى


ثالثا:الفرق بين صديق الانترنت والصديق الواقعى انك تقدر تشوف صديقك الواقعى على الحقيقه اما صديقى الانترنت اخره كاميرا لكن نفس صلاحيات الصداقه بين الصديق الواقعى وصديق الانترنت اللى ممكن توصل للحب فى الله الاخوى الحب الطاهر اللى بيبقى من غير سبب واحده بين الاتنين


رابعا:الى الان لم يحدث انى قابلت صديق من عالنت فى الحقيقه انما ذلك لبعد المسافه كان يكون مش فى نفس مدينتى اما لو كان فى نفس مدينتى وقريبين من بعض اه ممكن اقابله عالواقع عادى


خامسا:اه هناك اصدقاء بالنت ممكن يتحولو الى اصدقاء واقعين واقابلهم عادى


سادسا:صديق الانترنت والثقه بيه ده على حسب الكلام اللى بينى وبينه وعلى حسب مساحة الامان اللى بيننا يعنى لو حسيت ان هو مؤدب و ما حدش يقول انت هتعرف منين انه مؤدب لا بيبان من طريقة الكلام ولكن بعد فتره مش من الاول يعنى لو لقيت ان انا ممكن اثق بيه ممكن اقوله اى حاجه عنى بس لازم اكون واثق ان هو على قد الثقه دى اما لو اكتشفت انا هو خان الصداقه اللى بيننا خلاص اتمسح من دماغى ولا اكنى اعرفه


سابعا:لا ما ينفعش اورى صورتى الشخصيه وبياناتى لحد ما اعرفوش عالنت وما تربطنيش بيه علاقه طويله جدا عشان ادى صورى وبياناتى لحد عالنت يبقى لازم اكون اتكلمت معاه ودرست اخلاقه وعرفته على مدار وقت كبير اوى


ثامنا:ايوه حصل مواقف محزنه ولكن المواقف دى ما خلتنيش اتعقد من اصدقاء النت لان اى مكان فيه الكويس وفيه الوحش يعنى لو حصلى موقف محزن مع صديق واقعى مش هاتعقد من كل الاصدقاء والا كده ابقى منطوى و افقى و فكرى ضيق لان كل مكان فى العالم فيه الكويس وفيه الوحش ومادام انا معتقد ان فيه الكويس وفيه الوحش يبقى لما يقابلنى الوحش خلاص هيبقى عادى بالنسبالى اهه زى كتير غيرهه وحشين ولما يقابلنى حد كويس اهه يبقى كسبت صديق كويس ويبقى زى غيره كتير كويسين

ارجو انى اكون رديت واجبتك اجابه وافيه يا الوان
وفى النهايه
خير الختام
السلام
السلام عليك ورحمة الله
مع تحيات :خالد من الاسكندريه 20 سنه
رابطة tm_18